धादिङबेसी पुस २४/
राष्ट्रिय सहकारी संघका अध्यक्ष केशव बडालले जिल्लाका हरेक कुनामा सहकारीको पहुँच विस्तार गर्नुपर्ने बताउनु भएको छ । सहारा महिला बचत तथा ऋण सहकारी संस्थाको १२ औँ वार्षिक साधारणसभाको उद्घाटन शत्रमा सम्बोधन गर्दै बडालले सो कुरा बताउनुभएको हो । ३ खम्बे अर्थ नीतिलाई अझ प्रभावकारी बनाउन, सेयर सदस्यहरुलाई अगाडि बढाउनु पर्ने बेला आएको उहाँको भनाई थियो ।
सहकारी संस्थाले वचत र ऋण लगानी मात्र गर्ने काममात्र गरिरहेको भन्दै उहाँले सामाजिक सेवामा पनि ध्यान दिनुपर्ने आवश्यकता औंल्याउनुभयो । संस्थाका अध्यक्ष पार्वती खाँडको अध्यक्षतामा सम्पन्न सधारणसभामा साना किसान कृषि सहकारी केन्द्रीय संघका अध्यक्ष एवं साना किसान विकास बैंकका अध्यक्ष खेमबहादुर पाठक सहित विभिन्न सहकारी संस्थाका अध्यक्ष तथा प्रतिनिधिरुले मन्तव्य राख्नुभएको थियो ।
१ हजार ५ सय ५० जना सेयर सदस्य रहेको संस्थाले शेयर सदस्यहरु माझ २ करोड ५१ लाख ३२ हजार ३ रुपैँया ऋण लगानी गर्दै आएको सो अवसरमा जानकारी दिइएको थियो । आर्थीक वर्ष २०६७/०६८ मा संस्थाले ९ लाख ६५ हजार ३ सय ५६ रुपँैया खुँद मुनाफा आर्जन गर्न सफल भएको बताइएको छ ।
0 comments:
Post a Comment