बैशाख १९ / धनकुटाका विभिन्न गाविसमा दैनिक उपभोग्य वस्तु सुपथ मूल्यमा उपलब्ध गराउने उद्देश्यले खोलिएका दर्जनौं सहकारी पसल बन्द हुन थालेका छन् । ‘गाउँ–गाउँमा सहकारी, घरघरमा भकारी’ भन्ने नाराका साथ खोलिएका सहकारी पसल क्रमशः बन्द हुन थालेका हुन् ।
दुई वर्षअघि सरकारले सहकारी विभागमार्फत डिभिजन सहकारी कार्यालय धनकुटाबाट ३६ वटा उपभोक्ता सहकारी संस्थालाई १ लाख रुपैयाँको दरले ३६ लाख रुपैयाँ अनुदान दिएको थियो । एक वर्षअघि ३५ वटा गाविस र एक नगरपालिकामा गरी ३६ वटा उपभोक्ता सहकारी पसल सरकारको अनुदान सहयोगमा सञ्चालनमा आएका थिए ।
तर, अहिले सञ्चालकको बेवास्ता र आफ्नो लगानीको महसुस नभएका कारण सरकारको अनुदानमा खोलिएका सहकारी पसल बन्द हुँदै गएको सहकारी डिभिजन कार्यालय धनकुटाका प्रमुख जयराम श्रेष्ठले बताए । सरकारी अनुदानमा सुपथ मूल्यमा बिक्री–वितरण गर्ने गरी खोलिएका सहकारी पसलमध्ये कुरुलेतेनुपा, घोर्लिखर्क, चुङमाङ, राजारानी, मौनावुधुक, वोधे, डाँडाबजार, छिन्ताङलगायत गाविसका पसल पूर्णरूपमा बन्द भइसकेका छन् ।
सरकारले दिएको १ लाख रुपैयाँ अनुदान रहेसम्म सञ्चालन गर्ने र सो पैसा सकिएपछि सञ्चालकले ध्यान नदिने भएपछि बन्द हुने गरेको जिल्ला सहकारी संघका अध्यक्ष घनेन्द्रराज श्रेष्ठले बताए । अहिले जिल्लामा ६ वटा मात्र सहकारी पसल सञ्चालनमा छन् ।
सरकारद्वारा स्थानीयस्तरमा अनुगमन समिति गठन गरिएको भए पनि समितिले प्रभावकारी अनुगमन नगर्दा र सहकारी सञ्चालक जिम्मेवार नहुँदा सरकारको अनुदान रकम अहिले बालुवामा पानी हालेझैं भएको स्थानीयवासी बताउँछन् । डिभिजन सहकारी कार्यालय धनकुटामा दर्ता भएका ४२ उपभोक्ता सहकारीमध्ये ३६ वटाले सरकारी अनुदान रकम लिएको कार्यालयले जनाएको छ ।
सहकारी पसल बन्द हुँदै गएको जानकारी भएर पनि केही पनि गर्न नसकिने कार्यालय प्रमुख श्रेष्ठले बताए । सरकारले दीर्घकालीन र प्रभावकारी अनुगमनको योजनाबिना नै ल्याएका यस्ता कार्यक्रमले लक्षित वर्गलाई फाइदा पुग्नुभन्दा राज्यको ढुकुटी रित्याउने काममात्र भएको धेरैको बुझाइ छ ।
स्केच आउँछ । कारोवार दैनिकबाट साभार
दुई वर्षअघि सरकारले सहकारी विभागमार्फत डिभिजन सहकारी कार्यालय धनकुटाबाट ३६ वटा उपभोक्ता सहकारी संस्थालाई १ लाख रुपैयाँको दरले ३६ लाख रुपैयाँ अनुदान दिएको थियो । एक वर्षअघि ३५ वटा गाविस र एक नगरपालिकामा गरी ३६ वटा उपभोक्ता सहकारी पसल सरकारको अनुदान सहयोगमा सञ्चालनमा आएका थिए ।
तर, अहिले सञ्चालकको बेवास्ता र आफ्नो लगानीको महसुस नभएका कारण सरकारको अनुदानमा खोलिएका सहकारी पसल बन्द हुँदै गएको सहकारी डिभिजन कार्यालय धनकुटाका प्रमुख जयराम श्रेष्ठले बताए । सरकारी अनुदानमा सुपथ मूल्यमा बिक्री–वितरण गर्ने गरी खोलिएका सहकारी पसलमध्ये कुरुलेतेनुपा, घोर्लिखर्क, चुङमाङ, राजारानी, मौनावुधुक, वोधे, डाँडाबजार, छिन्ताङलगायत गाविसका पसल पूर्णरूपमा बन्द भइसकेका छन् ।
सरकारले दिएको १ लाख रुपैयाँ अनुदान रहेसम्म सञ्चालन गर्ने र सो पैसा सकिएपछि सञ्चालकले ध्यान नदिने भएपछि बन्द हुने गरेको जिल्ला सहकारी संघका अध्यक्ष घनेन्द्रराज श्रेष्ठले बताए । अहिले जिल्लामा ६ वटा मात्र सहकारी पसल सञ्चालनमा छन् ।
सरकारद्वारा स्थानीयस्तरमा अनुगमन समिति गठन गरिएको भए पनि समितिले प्रभावकारी अनुगमन नगर्दा र सहकारी सञ्चालक जिम्मेवार नहुँदा सरकारको अनुदान रकम अहिले बालुवामा पानी हालेझैं भएको स्थानीयवासी बताउँछन् । डिभिजन सहकारी कार्यालय धनकुटामा दर्ता भएका ४२ उपभोक्ता सहकारीमध्ये ३६ वटाले सरकारी अनुदान रकम लिएको कार्यालयले जनाएको छ ।
सहकारी पसल बन्द हुँदै गएको जानकारी भएर पनि केही पनि गर्न नसकिने कार्यालय प्रमुख श्रेष्ठले बताए । सरकारले दीर्घकालीन र प्रभावकारी अनुगमनको योजनाबिना नै ल्याएका यस्ता कार्यक्रमले लक्षित वर्गलाई फाइदा पुग्नुभन्दा राज्यको ढुकुटी रित्याउने काममात्र भएको धेरैको बुझाइ छ ।
स्केच आउँछ । कारोवार दैनिकबाट साभार
0 comments:
Post a Comment