धादिङबेसी माघ १० रेडियो बिहानी
साना किसान कृषि सहकारी संघ धादिङको ११ औं वार्षिक साधारणसभा सोमबार धादिङबेसीमा सम्पन्न भएको छ । जिल्ला कृषि विकास कार्यालय धादिङका प्रमुख नीलकण्ठ पोखरेलको अध्यक्षतामा सम्पन्न साधारणसभामा धादिङका प्रमुख जिल्ला अधिकारी नारायणप्रसाद आचार्यको प्रमुख आतिथ्य र नेपाल कृषि सहकारी संघ लिमिटेडका अध्यक्ष खेमबहादुर पाठकको विशेष आतिथ्य रहेको थियो । सो अवसरमा संघलाई सफलताको शुभकामना दिनुहुँदै प्रमुख अतिथि आचार्यले आफ्नो तर्फबाट सक्दो सहयोग गर्ने प्रतिवद्धता व्यक्त गर्नुभयो ।
विशेष अतिथि पाठकले नेपाल सरकारले ४० करोड रुपैंया रकम कृषक क्षेत्रमा लगानी गरेको भएपनि त्यसबाट प्रभावकारी काम हुन नसकेको बताउनुभयो । धादिङमा कृषिबाट धेरै राम्रो लाभ लिन सकिने भएकाले जिल्लालाई कृषिको लागि नमुना क्षेत्रको रुपमा विकास गर्ने तयारी भैरहेको उहाँको भनाई थियो । कार्यक्रममा विभिन्न राजनीतिक दल र संघ संस्थाका प्रतिनिधिहरुको समेत आतिथ्य रहेको थियो । कार्यक्रममा संघका प्रबन्धक खिलप्रसाद सिलवालले आर्थिक प्रतिवेदन प्रस्तुत गर्नुभएको थियो ।
0 comments:
Post a Comment