धादिङ माघ ३ मार्पाक
अन्नपूर्ण कृषि सहकारी संस्था मार्पाक ६ को प्रारम्भिक साधारण सभा आज सल्यानकोटमा सम्पन्न भएको छ । संस्थाका अध्यक्ष राजेन्द्र पन्तको अध्यक्षतामा सम्पन्न साधारणसभामा शिक्षक कल्याण वचत तथा ऋण सहकारी संस्था धादिङका अध्यक्ष केशरीप्रसाद पन्तको प्रमुख आतिथ्य रहेको थियो ।
स्थानीय राजनीति दलका प्रतिनिधि, विभिन्न सहकारी संस्थाका प्रतिनिधिहरु र सरोकारवालाहरुको उपस्थिति रहेको कार्यक्रममा संस्थाका कोषाध्यक्ष टोपप्रसाद पन्तले आर्थिक र सचिव सावित्रा थापाले भावी कार्य योजना सहितको प्रगती प्रतिवेदन प्रस्तुत गर्नुभएको थियो ।
हाल मार्पाक गाउँ विकास समितिलाई कार्य क्षेत्र बनाएर दैनिक कारोवार सञ्चालन गर्दै आएको संस्थाले आगामी दिनमा आसपासका अन्य गाउँ विकास समितिमा पनि सेवा क्षेत्र विस्तार गर्ने संस्थाका अध्यक्ष राजेन्द्र पन्तले बताउनुभयो ।
0 comments:
Post a Comment