सुमन अधिकारी
धादिङ माघ ३ धुवाँकोट /
सानाकिसान कृषि सहकारी संस्था लिमिटेड धुवाँकोटको सभारणसभा आज सम्पन्न भएको छ । साधारण सभा एकीकृत नेकपा माओवादीका केन्द्रीय सदस्य एवम् धादिङ क्षेत्र नं. १ का सभासद पुष्पविक्रम मल्लले उद्घाटन गर्नु भएको थियो संस्थाका अध्यक्ष लाललोचन नेपालको अध्यक्षतामा सम्पन्न कार्यक्रममा एकीकृत नेकपा माओवादी धादिङका सह–सचिव विजय बुर्लाकोटी र तामाङ राष्ट्रिय मुक्ति मोर्चा धादिङका अध्यक्ष अक्कल बहादुर तामाङको विशेष आतिथ्य रहेको थियो । कार्यक्रममा एकीकृत नेकपा माओवादी धुवाँकोटका सचिव राजकुमा श्रेष्ठ, नेकपा एमालेका गाउँ सचिव शिव कुमार श्रेष्ठ, नेपाली काँग्रेस धुवाँकोटका सभापति तेजबहादुर गुरुङ, सरस्वति उच्च माध्यमिक विद्यालयका प्रधानाध्यापक लक्ष्मण कुमार अधिकारी सहित विभिन्न संघ–संस्थाका प्रतिनिधि, वुद्धिजिवि, समाजसेवी र शेयर सदस्यहरुको उपस्थिति रहेको थियो ।
साधारण सभाबाट कृषकहरुले जनयुद्धको समयमा लिएको ऋण मिनाहा गर्ने विषयमा पहल गर्न लाललोचन नेपालको अध्यक्षतामा ११ सदस्यीय समिति गठन गरिएको छ । माओवादी अध्यक्ष पुष्पकमल दहाल नेतृत्वको सरकारले जनयुद्धको समयमा कृषकहरुले लिएको ऋण मिनाहा गर्ने घोषणा गरेको भएपनि धुवाँकोटमा हालसम्म कृषकहरुको सो ऋण मिनाहा हुन सकेको छैन ।
0 comments:
Post a Comment