काडमाडौ पुस २४ गते /
अन्तर्राष्ट्रिय
सहकारी वर्षको प्रचार–प्रसारमा कुनै कसर बाँकी नराख्ने राष्ट्रिय सहकारी
संघका अध्यक्ष केशव बडालले बताउनुभएको छ । सहकारी वर्ष भव्य रुपमा मनाउन
प्रत्येक सहकारी संघसंस्थाले कुनै न कुनै उपलब्धिमूलक कार्य गरी देखाउन
आग्रहसमेत उहाँले गर्नुभयो ।
जिल्ला सहकारी संघ लिमिटेड काठमाडौंको
वार्षिक साधारणसभामा बोल्दै उहाँले सो कुरा बताउनुभएको हो । सहकारी
संस्थाहरुले वित्तीय कारोबारलाई मात्र सीमित नबनाई आयात प्रतिस्थापन,
निर्यात बढाउने, रोजगारी सृजना गर्ने खालका कार्यक्रमलाई पनि पहिलो
प्राथमिकता दिनुपर्ने र यस्ता खालका कार्यक्रम सञ्चालन गरी सहकारी वर्ष सफल
बनाउनुपर्नेमा जोड दिनुभयो । नेपाल अधिराज्यभरका जनताले सहकारीको महत्व
बुझेको खण्डमा मात्र सहकारी वर्ष उपलब्धिमूलक हुने र सबै सहकारी
संघसंस्थाले यस कार्यलाई पहिलो प्राथमिकतामा राख्नुपर्ने बडालको भनाइ थियो ।
संघका
अध्यक्ष केबी उपे्रतीले आर्थिक वर्ष २०६६/०६७ र २०६७/०६८ को वार्षिक
प्रतिवेदन तथा संघको भावी कार्यक्रम प्रस्तुत गर्नुभएको थियो । त्यस्तै,
संघले अन्तर्राष्ट्रिय सहकारी वर्षमा जिल्लास्तरीय समिति तय गर्ने,
स्मारिका प्रकाशन गर्ने, प्रचार–प्रसारमूलक ¥याली गर्ने जनाएको छ ।
संस्थाको
आर्थिक वर्ष २०६६/०६७ मा ८ लाख ५८ हजार र आर्थिक वर्ष २०६७/०६८ मा १२ लाख
२८ हजार सेयर पुँजी रहेको सभामा जानकारी गराइयो । त्यस्तै, संस्थाले आर्थिक
वर्ष २०६६/०६७ मा २ लाख ९२ हजार ४८ रुपैयाँ र आर्थिक वर्ष २०६७/०६८ मा १
लाख ८५ हजार ९ सय २१ निक्षेप संकलन गरी आ.व. ०६७/०६८ मा ९ लाख कर्जा लगानी
गरेको संस्थाले जनाएको छ । संघले अघिल्लो आ.वमा १ लाख ६ हजार ९ सय ९५
रुपैयाँ र आ.व ०६७/०६८ मा ३ लाख ६५ हजार ६५ रुपैयाँ नाफा कमाएको जनाएको छ । यो समाचार अर्थखवर डट कमबाट साभार गरिएको हो ।
0 comments:
Post a Comment