मंसिर २६ खहरे धादिङ/ वचत तथा ऋण सहकारी संघका केन्द्रीय अध्यक्ष मिनराज कंडेलले सहकारीले देशको आर्थिक, सामाजिक र साँस्कृतिक रुपान्तरणमा महत्वपूर्ण भूमिका खेल्ने बताउनु भएको छ । शुक्रबार नेत्रावती वचत तथा ऋण सहकारी संस्थाको चौथो बार्षिक साधारण सभाको उद्घाटन शत्रमा बोल्दै उहाँले सो कुरा बताउनु भएको हो ।
कार्यक्रमका प्रमुख अतिथि समेत रहनु भएका कंडेलले सहकारीमा आवद्ध शेयर सदस्यहरुलाई सहकारी शिक्ष, यसको महत्व र आवश्यकताको विषयमा समेत प्रष्ट्याउनु भएको थियो । संस्थाका अध्यक्ष भूवन धरेलको अध्यक्षतामा सम्पन्न कार्यक्रममा वचत तथा ऋण सहकारी संघका केन्द्रीय अध्यक्ष मिनराज कंडेलको प्रमुख आतिथ्य र नेत्रावती सामुदायिक क्याम्पस त्रिपुरेश्वर ३ खहरेका प्राचार्य बालकृष्ण तिमल्सिनाको विशेष आतिथ्य रहेको थियो ।
स्थानीय राजनीतिक दलका प्रतिनिधि, विभिन्न संघ संस्थाका प्रतिनिधि लगायतको आतिथ्य रहेको कार्यक्रममा संस्थाका कोषध्यक्ष नारायण कुमार श्रेष्ठले ३५ लाख ४० हजार १ सय ८९ बराबरको आर्थिक आयव्यय विवरण प्रस्तुत गर्नुभएको थियो । ३ सय ८ जना शेयर सदस्य रहेको संस्थामा ६८ जना बाल बचतकर्ता रहेको सो अवसरमा जानकारी दिइएको थियो ।
0 comments:
Post a Comment