राउटे समुदाय पनि सहकारी संस्थामा आबद्ध

यज्ञ बञ्जाडे
असार ५ गते  / लोपोन्मुख जातिका रूपमा सूचीकृत राउटे समुदाय पनि सहकारी संस्थामा आबद्ध भएको छ । करीब एक महीनाअघि डँडेलधुराको सिस गाविस स्थित सिस साना किसान कृषि सहकारी संस्थामा स्थानीय ३४ घरपरिवारका महिला र पुरूष दुइरदुईगरी ६८ जना राउटे आबद्ध भएको नेपाल कृषि केन्द्रीय सहकारी सङ्घका अध्यक्ष खेमबहादुर पाठकले अभियानलाई जानकारी दिए ।

करीब १ वर्षअघिदेखि यो समुदायलाई सहकारीमा आबद्ध गराउने उद्देश्यले विभिन्न प्रशिक्षण शुरू गरेका थियौं, अहिले आएर मात्र सफल भयौं, उनले भने । ढिलै भए पनि राउटे समुदायलाई संस्थामा आबद्ध गराइएको विषयलाई पाठकले सहकारीको महत्त्वपूर्ण सफलताका रूपमा लिएका छन् ।
संस्थामा आबद्ध भएपछि राउटे समुदायमा बचत गर्ने बानीको विकास भएको संस्थाका अध्यक्ष पदमसिंह धामीले बताए । सहकारीका माध्यमबाट राउटे समुदायमा बचतको सदुपयोग गर्न र समाजमा घुलमिल हुन धेरै सजिलो भएको उनको भनाइ थियो । हाल संस्थामा सो समुदायको शेयर पूँजी रू। १३ हजार ६ सय, व्यक्तिगत बचत रू। १ लाख ८ हजार र बाल बचत रू। ७० हजार गरी करीब रू। २ लाख जम्मा भएको संस्थाले जानकारी दिएको छ । विगत १र२ वर्षदेखि यो समुदाय  खेतीपातीमा आबद्ध भई सामाजिक रूपान्तरणमा लागेकाले संस्थामा आबद्ध गराउन सकिएको धामीले बताए । संस्थाका हरेक गतिविधिमा सो समुदायको चासो र सहभागिता बढेको छ, उनले भने, ुसंस्थामा आबद्ध भएपछि सो समुदायले कृषि तथा पशुपालन व्यवसायका लागि कर्जा माग गर्दै आएका छन् ।’ काष्ठ उद्योग, बाख्रा पालन, कुखुरा पालन र गाई पालनलगायत व्यवसायमा राउटेहरूको रुचि रहेको पनि संस्थाले बताएको छ ।
संस्थामा आबद्ध भएपछि आफ्नो समुदायले विभिन्न प्रकारका आर्थिक तथा सामाजिक सहयोग प्राप्त गरेको गङ्गा राउटेले बताइन् । संस्थाका सदस्यहरूले आफूहरूलाई निकै राम्रो व्यवहार गर्दै आएको पनि उनको भनाइ थियो । आफ्नो समुदायमा शिक्षा आवश्यक भएकाले सहकारीमार्फत विद्यालयको सुधार गर्न आग्रह गर्ने पनि उनले बताइन् । सरकारले लोपोन्मुख जातिको संरक्षणका लागि दिँदै आएको अनुदान रकम विगत २ वर्षदेखि सोही सहकारीले वितरण गर्दै आएको छ ।आर्थिक अभियान दैनिकमा जेठ ३०, प्रकाशित

Posted in: