धादिङबेसी असार ८ / जिल्ला स्तरीय सहकारी स्किम सम्बन्धी तीन दिने अगुवा कृषक तालिम आज धादिङबेसीमा सम्पन्न भएको छ । कृषकहरुको कृषिबाली उत्पादन क्षमतामा बृद्धि गर्ने र कृषि सहकारी स्किमको बारेमा जानकारी गराउने उद्देश्यले जिल्ला कृषि विकास कार्यालय धादिङको आयोजनामा सञ्चालन भएको तालिममा गोगनपानी र किराञ्चोकका २१ जना अगुवा कृषकहरुको सहभागिता रहेको थियो ।
तालिमको अन्तिम दिन आज वरिष्ठ बाली संरक्षण अधिकृत महेन्द्रमान श्रेष्ठ, सहकारी डिभिजन कार्यालय धादिङका अधिकृत महेश्वर ढकाल, जिल्ला सिंचाइ इञ्जिनियर प्रकाश अधिकारी र जिल्ला कृषि विकास कार्यालयका रामचन्द्र मिश्रले विषयबस्तु बारे प्रष्ट्याउनु भएको थियो । सो अवसरमा सिंचाई व्यवस्थापन, यसको भौतिक संरचना र प्रकार साथै मौसमी तथा बेमौसमी तरकारी खेती, मकै खेति अदुवाखेति, गोठेमल ब्याबस्थापन , बालिमा लाग्ने रोग र सहकारी लेखा व्यवस्थापन सम्बन्धी विषयबस्तुको बारेमा जानकारी गराइएको थियो । तालिमको अन्त्यमा सहभागी अगुवा कृषकहरुलाई प्रमाणपत्र समेत बितरण गरिएको थियो ।
0 comments:
Post a Comment