धादिङबेसी फगुन १० गते / चमेरे गुफा कृषि बहु उद्देशिय सहकारी संस्था लिमिटेड खाल्टेको दोश्रो वार्षीका साधरण सभा सम्पन्न भएको छ । संस्थाका अध्यक्ष विष्णुप्रसाद ढुङ्गानाको अध्यक्षतामा सम्पन्न साधारणसामा शहिद स्मृति सञ्चार सहकारी संस्था लिमिटेडका अध्यक्ष उत्तम कंडेलको प्रमुख आतिथ्य रहेको थियो । प्रमुख अिितथि कडेलले सहकारी विकास विना देशको आर्थिक विकास नहुने हुनाले राज्यको ध्यान सहकारी विकासमा जान जरुरी रहेको बताउनु भएको थियो । उहाँले सहकारी आफैमा सहकार्य भएकाले समुदायको सामुहिक लगानी र समुदायकै आवश्यकतामा संचालीत संस्थाहुनाले विकास र परिर्वतनको संवाहक सहकारी भएको बताउनुभएको थियो । साधारण सभामा एकीकृत नेकपा मओवादी खाल्टेका सचिव नवराज ढुङ्गाना, नेकपा एमालेका गाउँ पार्टी सचिव थमबहादुर थापा मगर, गाविस सचिव विश्व दुवाडी, महिला जन जागरण सहकारी संस्थ खाल्टेकी अध्यक्ष नविना श्रेष्ठ लगायतको आतिथ्य रहेको थियो । विष्णुपुकार श्रेष्ठले स्वागत मन्तव्य राख्नुभएको कार्यक्रममा सचिव निमबहादुर श्रेष्ठले सांगठनिक र कोषध्यक्ष उर्मिला श्रेष्ठले आर्थीक प्रतिवेदन प्रस्तुत गर्नुभएको थियो । २०६५ सालबाट आफ्नो कारोवार सुरु गरेको संस्थाको टोटल पुँजी २ लाख १८ हजार रहेको छ । ११५ जना शेयर सदस्य रहेको संस्थाले यस वर्ष ४० हजार नाफा आर्जन गर्न सफल भएको सो अवसरमा जानकारी दिइएको थियो । सहकारीले सुपथ मुल्य पसल पनि सञ्चालन गर्दै आइरहेको संस्थाका सचिव निमबहादुर श्रेष्ठले जानकारी दिनुभएको छ ।
0 comments:
Post a Comment