सहकारी सफलताको कथा

 कुरा ठूलो गरेर विकासको गन्तव्यमा पुग्न सकिने होइन, 

अपनाऔँ पद्धति सहकारी, हटाऔँ गरिबी र बेरोजगारी भन्ने मूलमन्त्र लिएर २०५५ सालमा स्थापना भएको धादिङ जिल्लाको सलाङमा गाउँ विकास समितिमा  रहेको साना किसान कृषि सहकारी संस्थाले आफ्ना ९ सय ९० जना सेयर सदस्यलाई समुह गत रुपमा ऋण दिने गरेको छ । गाउँका मानिसमा बचत गर्ने बानी बसाएको छ, जसले ठालूहरूबाट चर्को ब्याजदरमा ऋण काढ्न बाध्य निमुखा जनतालाई त्यस्तो शोषणबाट मुक्त गरेको छ । दलित, जनजाति र महिलालाई समूहमा आबद्ध गरी तिनमा ज्ञान र सीप प्रदान गरेको छ । सहकारी पसल सञ्चालन गरी केही वस्तुमा भए पनि जनतालाई मूल्य र गुणस्तरमा राहत प्रदान गरेको छ । भेटेनरी क्लिनिक सञ्चालन गरेको छ । व्यावसायिक बाख्रापालन कार्यक्रम सञ्चालन गरी निमुखा जनताको भान्छामा नुन, तेल र केटाकेटीको स्कुलखर्च जुटाउन सहयोग पुर्‍याएको छ । यस संस्थाको सदस्य बन्न समुहगत रुपमा आउनु पर्ने सहकारीले नियम बनाएको छ ।  तेसोत एकै पटक एकहजार तिर्न नसक्ने गरीवहरुले संस्था प्रवेस शुल्क भन्दा बाहेक रकम किस्तामा दश महिना भित्र बुझाए पनि हुने व्यवस्था गरेको छ । संस्थाले प्रौढकक्षा सञ्चालन गरेको छ, बंगुरपालन गरेको छ, पोखरीमा माछा पालेको छ, च्याउखेती गरेको छ, र केहि दिन पहिला मात्र  उद्घाटन भएको  दुई सय लिटर गोलभेडाको झोल तयार गर्ने क्षमता सहितको टोमाटो सस फ्याक्ट्री ले काम सुरु गरेको छ  । संस्थाका यी काम र उपलब्धि हामी सबैका लागि अनुकरणीय छन् ।
एकले थुकी सुकी, सयले थुकी नदी हुन्छ भन्नेमा विश्वास राख्ने सहकारीका अध्यक्ष गोपाल थापामगरले हामीलाई जानाकारी दिदै ,कृषि, पर्यटन उद्योग सञ्चालन गर्ने, चाडपर्व बचत र समृद्धि बचत कार्यक्रम सञ्चालन गर्ने घोषणा गरे । उनका अनुसार उक्त सहकारी संस्थाले आगामी वर्ष०६७ र०६८ मा बाख्रापालन, , अर्गानिक तरकारी खेती, पशुबिमा, कुरिलो खेती, पर्यटन व्यवसाय, च्याउ खेती, बाबियोको डोरी, टपरी उद्योग सञ्चालन, साडीमा बुट्टा भर्ने, कुखुरापालन, बंगुरपालन, जडिबुटी संकलन, सस तथा अचार उद्योगमा तालिम दिने बताए । सलाङमा रेशम खेती गर्ने, कफी खेती गर्ने र कुरिलो खेती मा पनि संस्थाले हात हालेको छ । सहकारी अहिले ३ वर्षो योजना बनाई सन् २०११ को पर्यटन वर्षमा होम-स्टे सञ्चालन  गर्न पूर्वाधार निर्माणमा जुटेका छ  । यसका निम्ति सरसफाइमा जोड दिने, एक घर-एक चर्पीको अवधारणा लागू गर्ने, स्थानीय उत्पादनलाई स्थानीय स्वादमै पकाएर पाहुनालाई दिने, स्थानीय संस्कृति र कलाबाट स्वदेशी र विदेशीलाई मन्त्रमुग्ध पार्ने र रेशम बगैँचा क्षेत्रबाट दृश्यावलोकन गराउने , तयारीमा जुटेको छ। हलेदो हो भनेपछि सायदै कोट्याइरहनुपर्छ, अथवा हिङ हो भनेपछि सायदै सुँघिरहनुपर्छ सलाङलगायतका गाउँका साना किसानले गरेका उपलब्धि हेर्ने हिम्मत गरौँ, र तिनबाट सिकेर देशविकासको खाका तयार गरौँ, जुन जनताको आवश्यकता, तिनको क्षमता र राष्ट्र सुहाउँदो हुनसक्छ ।

Posted in: