बहुउद्देश्यीय सहकारी संस्था लि. धुवाँकोटको तेस्रो वार्षीक साधारण सभा सम्पन्न

धादिङ पौष २३ गते सुमन अधिकारी

 धुवाँकोट बहुउद्देश्यीय सहकारी संस्था लिमिटेड धुवाँकोटको तेस्रो वार्षीक साधारण सभा शुक्रबार सम्पन्न भएको छ । संस्थाका अध्यक्ष छमबहादुर दहालको अध्यक्षतामा सम्पन्न साधारणसभामा एकीकृत नेकपा माओवादी धुवाँकोटका इञ्चार्ज देवराज आचार्यको प्रमुख आतिथ्य रहेको थियो । साधारण सभामा प्रगतिशील महिला वचत तथा ऋण सहकारीका अध्यक्ष कमला तामाङ लगायत विभिन्न संघ संस्थाका प्रतिनिधिहरुको आतिथ्य रहेको थियो ।

संस्थाका शेयर सदस्य गोविन्द न्यौपानेले स्वागत मन्तव्य राख्नु भएको कार्यक्रममा कोषाध्यक्ष नवराज दुवाडीले संस्थाको वार्षिक आय-व्याय प्रस्तुत गर्नु भएको थियो । हाल १ सय ५३ जना शेयर सदस्य रहेको संस्थाले यस वर्ष २२ लाख ५१ हजार १ सय ५१ रुपयाँको कारोबार गरेको सो अवसरमा जानकारी दिइएको थियो । सरस्वती उच्च माध्यमिक विद्यालय धुवाँकोटको प्रङ्गणमा भएको साधारण सभामा संस्थाको सफलता, चुनौती र भावी कार्य योजनाको बारेमा छलफल भएको थियो । २०६५ सालमा स्थापीत संस्थले सुपथ मुल्य पसल सञ्चालन गर्दै अएको छ भने प्रत्येक शेयर सदस्यहरुले संस्थामा मासिक ५० रुपयाँ वचत गर्ने गरेको छ ।

Posted in: बहुउद्धेश्यक सहकारी