(लोकनाथ मरासिनी) स्याङ्जा, मंसिर २५ -
कालिक बहुउद्धेश्यक सहकारी संस्था ठुलाडिहि ८ स्याङ्जाको सातौ वार्षिक साधरणसभा सम्पन्न भएको छ । सम्पन्न साधारण सभाले संस्थाको गत आर्थिक वार्षको ३८ लाख बराबरको अया व्यय विवरण पेश गर्दै आगामि आर्थिक वार्षका लागि ८० लाख बराबरको अया व्यय विवरण सार्वजनिक गरेको छ ।
संस्थाका अध्यक्ष खेमनारायण दोरङ्गाको अध्यक्षतामा सम्पन्न भएको सो साधरण सभाकै भेला मार्फत ठुलाडिहि क्षेत्र भित्रबाट यस वर्षको प्रवेशिका परिक्षामा सर्वउत्कृष्ठ अंक ल्याउने दुई विद्यर्थिलाई सम्मान समेत गरेको छ । सम्मानित हुने विद्यार्थिहरुमा मदरल्यान्ड बोर्डिङ स्कुलका समुन्द्र नेपाल र जनता उच्च माविकी सपना थापा रहेको संस्थाले जनाएको छ । स्थानिय बयोबृद्ध ९२ वर्षिय रुकुमबहादुर थापाको प्रमुख आतिथ्यतामा सम्पन्न कार्यक्रममा स्याङ्जा जिल्ला सहकारी संस्थाका प्रबन्धक टेकबहादुर गोदार, ढकबहादुर राना, नरेन्द्रविक्रम थापा, विशेश्वरप्रसाद रेग्मी, रेडक्रस उपशाखाका सभापति रामप्रसाद रेग्मी, गाविस अध्यक्ष शोभाचन्द्र रेग्मी लगायतले बोल्नुभएको थियो ।
संस्थाका उपाध्यक्ष मानध्वज थापाले स्वागत मन्तव्य राख्नुभएको कार्यक्रमको संचालन सचिव बेलु गुरुङ्ले गर्नुभएको थियो । साथै संस्थाको अजा सम्पन्न सातौ वार्षिक साधरण सभाले १८ बुधे निति तथा कार्यक्रम समेत पारीत गरेको संस्थाले जनाएको छ ।
