दाङ ६ फागुन,घोराही /
महिला तथा बालबालिका कार्यालय दाङको एक टोलीले देउखुरी क्षेत्रका दुईबटा महिला बचत तथा ऋण सहकारी संस्थाहरुको अनुगमन गरेको छ ।
टोलीले लालमटियाको भृकुटी महिला बचत तथा ऋण सहकारी संस्था र सिसहनिया गाविसस्थित लक्ष्मी महिला विकास बचत तथा ऋण सहकारी संस्थाको अनुगमन गरेको छ । अनुगमनका क्रममा भृकुटी महिला सहकारीकी परमेश्वरी ज्ञवाली र लक्ष्मी सहकारीकी सुशीला चौधरीले संस्थाले गरेका कामको जानकारी दिनुभएको थियो ।
महिला तथा बालबालिका कार्यालय दाङकी प्रमुख प्रभा श्रेष्ठको नेतृत्वमा गएको टोलीमा प्रमुख जिल्ला अधिकारी ऋषिराम शर्मा, जिल्ला शिक्षा अधिकारी जितबहादुर शाह, जिविस दाङका योजना अधिकृत बासुदेव रिजाल र लेखा अधिकृत सुदन डिसी, प्रहरी नायव उपरीक्षक विपीन कर्माचार्य लगायतको सहभागिता थियो ।
0 comments:
Post a Comment