धादिङबेसी पुस ३०
अग्रणी वचत तथा ऋण सहकारी संस्था लिमिटेडको प्रथम वार्षिक साधारणसभा आज धादिङबेसीमा सम्पन्न भएको छ । संस्थाका अध्यक्ष विष्णुप्रसाद कोइरालाको अध्यक्षतामा सम्पन्न साधारणसभामा संस्थाका प्रमुख सल्लाहकार खिलप्रसाद सिलवालको प्रमुख आतिथ्य र धादिङ वचत तथा ऋण सहकारी संघका उपाध्यक्ष कृष्णलाल उप्रेतीको विशेष आतिथ्य रहेको थियो ।
कार्यक्रममा संस्थाका सल्लाहकारहरु पुष्पराज रेग्मी र कृष्णप्रसाद पोखरेल, रेडियो बिहानीका निमित्त स्टेसन म्यानेजर नारायण सिलवाल, प्रत्यूष दैनिकका सम्पादक रमेश अधिकारी लगायतको आतिथ्य रहेको थियो । सो अवसरमा संस्थाका कोषाध्यक्ष कृष्णप्रसाद पोख्रेलले आर्थिक प्रतिवेदन प्रस्तुत गर्नुभएको थियो ।
१ सय ७ जना शेयर सदस्य रहेको संस्थाले आर्थिक वर्ष २०६७÷०६८ मा ३३ हजार रुपैंया मुनाफा आर्जन गर्न सफल भएको सो अवसरमा जानकारी दिइएको थियो । संस्थाले वचत संकलन र व्यवसायिक ऋण लगानी गर्दै आएको अध्यक्ष विष्णुप्रसाद कोइरालाले बताउनुभएको छ ।
यसैबीच उज्यालो वहुउद्देश्यीय सहकारी संस्था लिमिटेड सुनौलाबजार –७, धादिङको चौँथो बार्षिक साधारणसभा आज सम्पन्न भएको छ । संस्थाका अध्यक्ष विष्णुप्रसाद कोईरालाको अध्यक्षतामा सम्पन्न साधारणसभामा एकीकृत नेकपा माओवादीका केन्द्रीय सदस्य वेदनिधि अधिकारीको प्रमुख आतिथ्य र संस्थाका सल्लाहकार सिताराम पोख्रेलको विशेष आतिथ्य रहेको थियो ।
सो अवसरमा संस्थाका कोषाध्यक्ष मानबहादुर श्रेष्ठले आर्थिक वर्ष २०६७÷०६८ को आयव्यय विवरण प्रस्तुत गर्नुभएको थियो । सो अवसरमा दिइएको जानकारी अनुसार संस्थाले आर्थिक वर्ष २०६७÷०६८मा १० लाख भन्दा बढीको कारोबार गरेको छ ।
0 comments:
Post a Comment