समिक्षा शर्मा, पर्वत १२ कार्तीक
कफी खेतीको लागि उर्वरा मानिएको पर्वत जिल्लाको देउपुर गाविसमा कफी खेतीको विस्तार, बजारिकरण तथा व्यवस्थापन गर्नको लागि स्थानीय महिलाहरुको भेलाले कालीका कफी सहकारी संस्थाको गठन गरेको छ
गठित सहकारीको अध्यक्षमा शान्ति तिमिल्सीना, उपाध्यक्षमा रीता चापागाई, सचिवमा गंगाकुमारी शर्मा, सह–सचिवमा कमला चापागाई र कोषाध्यक्षमा नारायणी तिमिल्सीना रहनुभएको छ भने सहकारीको सदस्यहरुमा शारदादेवी शर्मा र पुतली चापागाई रहनुभएको छ । भेलाले सारदादेवी तिमिल्सीना संयोजक, शारदा पौडेल तिमिल्सीना र लक्ष्मी पाध्या सदस्य रहेको लेखा समितिको समेत गठन गरेको छ । कफी खेतीको लागि उर्वरा मानिएको पर्वत जिल्लाको देउपुर गाविसमा कफी खेतीको विस्तार, बजारिकरण तथा व्यवस्थापन गर्नको लागि स्थानीय महिलाहरुको भेलाले कालीका कफी सहकारी संस्थाको गठन गरेको छ
सो अवसरमा वोल्दै जिल्ला कफी व्यवसायी संघ पर्वतका अध्यक्ष एवं नेपाल कफी व्यवासयी महासंघका केन्द्रीय सदस्य भवानीप्रसाद शर्माले बेरोजगारीता र अवसरको अभावमा युवा शक्ति बिदेशीरहेको वर्तमान अवस्थामा व्यवसायीक कफी खेतीवाट स्वरोजगार सृजना गर्न सकिने वताउनुभयो । शर्माले विश्व बजारमा नेपाली अर्गानीक कफीको माग प्रसस्त भएकोले खेर गईरहेको जग्गामा कफी खेती गरेर लाखौ आम्दानी गर्न सकिने वताउनुभयो ।
सो अवसरमा जिल्ला कफी व्यवसायी संघका सदस्य शालिग्राम तिमिल्सीना, कार्यक्रम संयोजक अनिशा लामिछाने, अर्गानिक कफी सहकारी संस्थाका सदस्य बावुराम तिमिमल्सीना लगायतले कफी खेतीको महत्व तथा सहकारीको आवाश्यकताको वारेमा वोल्नुभएको थियो । कार्यक्रमको संचालन तथा सहजीकरण जिवन्धर शर्मा र विनोद चापागाईले गर्नुभएको थियो ।
भेलाले देउपुर गाविसलाई कफी क्षेत्रको रुपमा विकास गर्ने तथा सहकारी अन्य विभिन्न आयआर्ज तथा विकासका कामहरुलाई अगाडी बढाउने निर्णय समेत गरेको जिल्ला कफी व्यवसायी संघ पर्वतले जनाएको छ ।
0 comments:
Post a Comment