लक्ष्मी सापकोटा/राजधानी
काठमाडौं, २१ असार
कृषि सहकारी संस्थामा चालू आर्थिक वर्षा करिब ३ अर्ब लगानी परिचालन भएको छ । अहिले परम्परागत खेती गर्दै आएका कृषकले कृषि क्षेत्रलाई व्यवसायीकरण गर्न थालेकाले उनीहरू सहकारी संस्थामा आबद्ध हुन थालेका हुन् । जसका कारण सो क्षेत्रमा लगानीसमेत बढ्दै गएको हो ।
हाल, मुलुकभर सञ्चालित कृषि सहकारी संस्थामा दर्ुइ अर्ब ८१ करोड ७१ लाख ७० हजार रुपैयाँ लगानी परिचालन भएको सहकारी विभागले जनाएको छ । विभागका रजिस्ट्रार सर्दर्शनप्रसाद ढकालले सहकारीको माध्यमबाट कृषि क्षेत्र रूपान्तरण गर्नका लागि पनि यस क्षेत्रमा लगानी बढ्दै गएको जानकारी दिए । 'कृषि क्षेत्रमा करिब ३ अर्ब लगानी परिचालन भएको छ,' रजिस्ट्रार ढकालले भने, 'जसका कारण पनि मुलुकको समग्र अर्थतन्त्र विस्तारमा सहकारी क्षेत्रले महत्त्वपर्ूण्ा योगदान पुगेको छ ।'
स्थापना भएको छोटो समयमै अधिकांश कृषि सहकारीले उल्लेख्य सफलता हासिल गरेको उनको भनाइ छ । मुलुकभर सञ्चालित २२ हजार ६ सय ४६ सहकारी संस्थामध्ये ५ हजार ३ सय ४८ ओटा कृषि सहकारी संस्था दर्ता भई सञ्चालनमा रहेका छन् । जसमा कुल लगानी २ खर्ब ४० अर्ब रहेको छ । जसमा कृषि सहकारी ३ हजार १ सय ४४, दुग्ध सहकारी संस्था १ हजार ७ सय ४८ ओटा सञ्चालनमा छन् । त्यस्तै, १ सय ४ ओटा चिया सहकारी, ६७ कफी सहकारी सञ्चालनमा रहेका छन् । ७३ ओटा जडीबुटी सहकारी र ५१ ओटा मौरीपालन सहकारी संस्था सञ्चालनमा रहेको सहकारी विभागले जनाएको छ । गत आवमा ५ हजार ५४ कृषि सहकारी संस्था सञ्चालनमा रहेका थिए । एक वर्षो अवधिमा थप ३ हजार सहकारी संस्था दर्ता भएका छन् । ३ हजार १ सय ४४ कृषि सहकारी संस्थामा १ अर्ब २२ करोड ४५ हजार तीन सय ५३ रुपैयाँ लगानी परिचालन भएको छ । त्यस्तै, १ हजार ७ सय ४८ ओटा दुग्ध सहकारी संस्थामा ९ करोड ७१ लाख ७८ हजार ८ सय ५१ रुपैयाँ लगानी भएको विभागले जनाएको छ ।
१ सय ६१ तरकारी तथा फलफूल सहकारीमा ५६ करोड ७७ लाख ७ हजार ४ सय ७१ रुपैयाँ लगानी भएको छ । १ सय ४ चिया सहकारीमा ६ लाख ३२ हजार, ६७ कफी सहकारीमा १४ लाख ७९ हजार ८ सय ५२ रुपैयाँ लगानी परिचालन भएको विभागले जनाएको छ । त्यसैगरी, ७३ जडीबुटी सहकारीमा २७ लाख ९१ हजार ४ सय ५६ र ५१ मौरीपालन सहकारीमा ६५ लाख २ हजार ८ सय ५८ रुपैयाँ लगानी भएको विभागले जनाएको छ ।
हाल म्ाहिलाद्वारा मुलुकभर ३ सय कृषि सहकारी संस्था सञ्चालनमा छन् । जसमा ४० करोड २४ लाख ३७ हजार २ सय १ रुपैयाँ लगानी परिचालन छ ।
यसैबीच, विभागले ४० कृषि सहकारी उद्योग विस्तारका लागि १ करोड रुपैयाँ अनुदान दिएको छ ।
0 comments:
Post a Comment