धादिङ जेष्ठ २० / गजुरी गाउँ विकास समिति स्थित गजुरी बजारमा आज बाख्रा पालन तथा डालेघाँस सम्बन्धी ५ दिने तालिम आज सम्पन्न भएको छ । साना किसान कृषि सहकारी संघ धादिङ र साना किसान कृषि सहकारी संस्था कुम्पुरको आयोजना तथा युनाइटेड मिसन टु नेपाल धादिङ क्लष्टरको सहयोगमा सञ्जालित तालिममा आयोजक संस्थाका ४३ जना शेयर सदस्यहरुको सहभागिता रहेको थियो ।
साना किसान कृषि सहकारी संस्था कुम्पुरका अध्यक्ष रङ्गप्रसाद थपलियाको अध्यक्षता रहेको तालिममा संस्थाका व्यवस्थापक विष्णुप्रसाद थपलियाले बाख्रा पालन र बाख्राको लागि डालेघाँसको उपयोगिताको बारेमा प्रष्ट्याउनु भएको थियो । तालिममा साना किसान कृषि सहकारी संघ धादिङका अध्यक्ष शिव भण्डारी, प्रबन्धक खिलप्रसाद सिलवाल, कृषि प्रविधिक कमला हुमागाई लागयतको आतिथ्य रहेको थियो । तालिमको अन्त्यमा बाख्रा पालनको लागि नगद १८ हजार रुपयाँ समेत वितरण गरिएको आयोजक संस्थाका भेटनरी प्राविधिक गुणराज लोहनीले जानकारी दिनुभएको छ । 
0 comments:
Post a Comment