बैशाख १८धादिङबेसी / श्री कृष्ण साना किसान कृषि सहकारी संस्था लिमिटेड खरीको प्रथम वार्षीक साधारणसभा हिजो खरीमा सम्पन्न भएको छ । संस्थाका अध्यक्ष पार्वती भण्डारीको अध्यक्षतामा सम्पन्न साधारणसभामा अर्थ मन्त्रालयका वरिष्ठ सल्लाहकार केशव आचार्यको प्रमुख आतिथ्य र साना किसान कृषि सहकारी संघका अध्यक्ष खेमबहादुर पाठकको विशेष आतिथ्य रहेको थियो । क्रियाशील राजनैतिक दलका प्रतिनिधि, संघ संस्थाका प्रतिनिधि र शिक्षकहरुको उपस्थित रहेको साधारणसभावाट संस्थालाई श्री कृष्ण साना किसान कृषि सहकारी संस्थाको व्यवस्थापनमा औपचारिक रुपमा हस्तान्तरण गरिएको छ । यसअघि संस्था साना कृसान विकास बैङ्कको आर्थीक र साना किसान कृषि सहकारी संघ धादिङको प्राविधिक सहयोगमा सञ्चालन हुँदै आएको थियो । ५ सय ५२ जना शेयर सदस्य रहेका संस्थाको चालु पुँजी २५ लाख ४५ हजार रहेको खरीबाट राजेश अधिकारीले जानकारी दिनुभएको छ ।
0 comments:
Post a Comment