काठमाडौं,चैत ११,
बजार मूल्य बढ्दै जाँदा कृषकलाई समस्या परेको भन्दै ५ सय ग्राम प्याकेटको दूधमा २ रुपियाँ मूल्य वृद्धि गर्न माग गरिएको छ। केन्द्रीय दुग्ध सहकारी संघले गाईभैंसी पाल्न बजार मूल्यका कारण समस्या भएकाले मूल्य बढाउनुपर्ने जिकिर गरेको हो ।
बजारको मागअनुरुप दूध उत्पादनमा किसानलाई कठिनाइ भएकाले उपभोक्तामा अझ पनि साढे ४ लाख लिटर दैनिकरुपमा दूधको अभाव भएकाले उत्प्रेरक कार्यक्रम ल्याउन सरकारको सरोकार निकायलाई आग्रह गरिएको छ। बजार मूल्य समायोजनका नाममा चीज पनिर पेडा रसवरी र दहीलगायतमा मात्र मूल्य बढाएर दूधलाई बेवास्ता गर्दा किसानलाई समस्या परेको संघका अध्यक्ष माधव कोइरालाले बताउनुभयो। गाईभंसी खरिद दानालगायतको लागत मूल्य बढेकाले तत्काल समायोजन नभए बाध्य भएर किसान आन्दोलनमा उत्रने दाबीे संघले गरेको छ ।
0 comments:
Post a Comment