धादिङबेसी पुस १७ / साना किसान कृषि सहकारी संस्था लिमिटेड सल्यानटारको आठौं बाषिर्क साधारण सभा आज सल्यानटारमा सम्पन्न भएको छ । संस्थाका अध्यक्ष फणिकान्त छत्कुलीको अध्यक्षतामा सम्पन्न साधारणसभामा साना किसान विकास बैंकर् इलाका कार्यलय गजुरीका प्रवन्धक शेरबहादुर चौधरीको प्रमुख आतिथ्य र साना किसान कृषि सहकारी संस्था धादिङका प्रवन्धक खिलप्रसाद सिलवाल तथा साना किसान कृषि सहकारी संस्था ज्यामरुङका अध्यक्ष ओमप्रसाद धमलाको विशेष आतिथ्य रहेको थियो । १ करोड ३३ लाख लगानी रहेको संस्थाले यस आर्थिक वर्षा ९ लाख १८ हजार नाफा गर्न सफल सो अवसरमा जानकारी दिइएको थियो ।
साधारणसभामा संस्थाका प्रवन्धक सञ्जु श्रेष्ठले आगामी काययोजना एवं आर्थिक विवरण प्रस्तुत गर्नुभएको थियो । कार्यक्रममा एस एल सी मा उत्कृष्ट नतिजा ल्याउने शेयर सदस्यका छोराछोरी र व्यवसायीक बाख्रा पाल्ने उत्कृष्ट कृषक श्यासर कुमाललाई पुरस्कृत गरीएको थियो । सल्यानटार गाउँ विकास समिति वडा नम्बर ५ खोल्सीमा सम्पन्न भएको साधारणसभामा कुल ५७९ शेयर सदस्य मध्ये २७५ शेयर सदस्य उपस्थित भएका साना किसान कृषि सहकारी संस्था धादिङका प्रवन्धक खिलप्रसाद सिलवालले जानकारी दिनुभएको छ ।
0 comments:
Post a Comment