भिमकुल सहकारीको साधरणसभा सम्पन्न

गोरखा पुस १७ बोर्लाङ/

भिमकुल वचत तथा ऋण सहकारी संस्था वोर्लाङ –४ गोरखाको १६ औँ वार्षिक साधरण सभा शनिवार संस्थाको प्राङ्गणमा सम्पन्न भएको छ । सहकारीको  साधरणसभामा विज्ञान तथा प्रविधि मन्त्री कल्पना धमलाले आर्थिक विकासको मेरुदण्ड सहकारी भएकाले भएको ‘सहकारीको विकासमा सबैको ध्यान जानआवश्यक रहेको बताउनु भएको थियो । संस्थाका अध्यक्ष चित्रकुमार श्रेष्ठको अध्यक्षतामा सम्पन्न साधारण सभामा आर्थिक र प्रगती प्रतिवेदन प्रस्तुत गरिएको थियो । १३०७ जना शेयर रहेको संस्थाको कुलपूँजी २ करोड ७७ लाख रहेको छ । कार्यक्रममा आर्थिक वर्ष २०६७÷०६८ मा ४ करोड ४७ लाख बराबरको आर्थिक कारोबार गरिएको जानकारी दिइएको थियो । संस्थाले साधारणसभाकै अवसर पारेर गत शैक्षिक शत्रमा उत्कृष्ठ अंक ल्याउने शेयर सदस्यका छोराछोरी, उत्कृष्ठ व्यवसायी र बयोबृद्ध सदस्यहरुलाई नगद पुरस्कार सहित प्रमाण पत्र प्रदान गर्नुका साथै दोशल्ला ओढाएर सम्मान गरिएको संस्थाका सह–सचिव भूमि गोतामेले जानकारी दिनुभएको छ । 

Posted in: