खरि गाउँ विकास समितिमा बाख्रापालन तालिम सुरु

धादिङ, मंसिर २४/ सानाकिसान सहकारी संघ खरि-३ का शेयर सदस्यहरुलाई बाख्रापालन तालिमदिन सूरु गरिएको छ । शेयर सदस्यहरुको आय आर्जनमा वृद्धि गराउने उद्देश्य राखेर २ दिने तालिम सूरु गरिएको हो । साना किसान सहकारी संघ धादिङले आयोजना गरेको तालिमको पहिलोदिन हिजो संघका सञ्चालक शिव भण्डारीले सहभागिहरुलाई विषयवस्तुको वारेमा जानकारी गराउनुभएको थियो ।

तालिम उद्घाटन कार्यक्रममा सानाकिसान सहकारी संघ धादिङका प्रवन्धक खिलप्रसाद सिलवालको आतिथ्य रहेको थियो । उन्नत जातका बाख्रापालन, तीनीहरुको लागी पौष्टिक आहार र बाख्रामा लाग्ने विविध रोग, त्यसका लक्षण, र उपचार बारेमा प्रष्ट पार्नुभएको थियो । खरि ३ मैदानमा सञ्चालित तालिममा ३५ जनाको सहभागिता रहेको छ ।

Posted in: