प्रकाश डोटेल, स्याङ्जा-१९चैत्र ।
कृषि प्रविधिको विकाससगै जिल्लाका शहरी क्षेत्र सहित ग्रामीण भेगमा पछिल्लो समयमा कृषि पेशा फस्टाउन थालेको छ । जिविकोपार्जनको खेती गरि आम्दानी गर्दै आएका वालिङ् नगरपालिका-८ त्रियासी क्षेत्रका कृषकहरु अहिले व्यवसायीक कृषि पेशा तर्फ उन्मुख छन् ।
जिल्ला कृषि विकास कार्यालयको सहयोगमा जिल्लाका विभिन्न स्थानमा विक्रीवितरणको लागि कृषि उपज संकलन केन्द्रको स्थापना गरिएको छ । संकलन केन्द्र स्थापना भएपछि राहत महशुस भएको छ । कृषकहरुको साझा पहल र लगानीमा त्रियासीमा कृषि वित्तिय सहकारी संस्था समेत संचालनमा ल्याएका छन् । पूर्वाधार व्यवस्थित हुन थालेपछि कृषकहरु व्यवसायीक कृषि पेशा तर्फ उन्मुख हुन् ।जिल्लामा कृषि उपज संकलन केन्द्रहरु प्रशस्त भएपनि वित्तिय सेवा प्रदान गर्ने यो जिल्लाकै पहिलो कृषि वित्तिय सहकारी संस्था हो । कृषकहरुलाई सहुलियत व्याजदरमा विनाधितो ऋण उपलब्ध हुदा कृषकहरुलाई काम गर्न सजिलो भएको कृषकहरु बताउँछन् । सहरी क्षेत्रका मात्र नभएर ग्रामिण क्षेत्रका उत्पादीत कृषिजन्य बस्तुहरुको ढुवानीको लागि सहज होस भनेर कृषकहरुकै सकि्रयतामा ग्राभिड रोपवे समेत साचालनमा ल्याएका छौं । कृषि फलफुल व्यवस्थापन सहकारी संस्थाका अध्यक्ष केदार काफ्ले भने कृषकहरुले उत्पादनमा वृद्धि गरेका छन् । कृषकहरु थप उत्साहित बनेका छन् । व्यवसायीक कृषि उत्पादन उन्मुख छौं ।
ग्रामिण क्षेत्रमा उत्पादीत कृषिजन्य वस्तुहरुले समेत समयमै बजार पाउन थालेको कृषकहरु बताउँछन् । जिल्लाका वालिङ नगरपालिका छाङछाङदी जगतभाज्याङ स्वरेक मनकामना सहित करिव एक दर्जन गाविसका कृषकहरु प्रत्यक्ष रुपमा लाभान्वित भएका छन् । स्थानिय स्तरमा उत्पादित उत्पादनहरु देश भित्रका प्रमुख बजारमा विक्रीवितरण हुने गर्दछ । यहाँ उत्पादीत गोलभेडा केहि वर्ष पहिलेबाट भारत निर्यात हुदै आइरहेको छ । कृषिजन्य वस्तुहरुमा मौसमी तथा बेमौसमी तरकारी र फलफुल खेतीको उत्पादन बढि हुने गरेको छ ।
ईच्छा अनुसार काम गर्न सहज रुपमा ऋण प्राप्त हुनेपछि पछिल्लो ६ महिनामै करिव ५० कृषक घरपरिवार व्यवसायीक कृषि पेशामा लागेका छन् । सहकारीको अवधारणाबाट अगाडी बढ्दा बचत गर्न पनि सजिलो भएको छ । स्थानिय कृषक कृष्ण लामिछानेले भने प्रत्येक वर्ष आम्दानी वढ्दै गएको छ । उत्पादनको दृष्टिकोणले कृषकहरुले वार्षिक रुपमा लाखौ आम्दानी गर्न सफल भएपनि अझैपनि उचित मूल्य नपाएको कृषकले गुनासो गरे । कतिपय अवस्थामा प्राविधिक ज्ञानको अभावले समेत उत्पादीत बस्तुहरु नष्ट भएर जाने गरेको छ ।
कृषि पेशालाई सरकारी स्तरवाट आवश्यक चासो नदिएको कारण पनि स्थानिय स्तरवाट सवै समस्याको समाधान गर्न नसकिएको जिल्ला कृषि विकास कार्यालय स्याङ्जाका प्रमुख चेतनाथ अधिकारी बताए । स्याङजा जिल्लामा विशेष गरि मौसमी तथा बेमौसमी तरकारी गोलभेडा अदुवा कफी लगायतका कृषिजन्य वस्तुहरु उत्पादनको उपयुक्त माटो र वातावरण रहेको बताईन्छ । जिल्लामा वार्षिक रुपमा सुन्तालाबाट मात्रै करिव ५ करोड भित्रिने गरेको तथ्याङ्क रहेको छ ।
0 comments:
Post a Comment