शिबलाल सुबेदी
गुल्मी मसिंर १७,
केही दिनअघि गुल्मीको ग्वादी गाविसमा सञ्चालित सहकारी संस्थामा चोरी गरेको अभियोगमा संस्थाकै पदाधिकारीहरु पक्राउ परेका छन् । गत मंसिर १० गते शुक्रवार राती ग्वादी गाविस वार्ड नं २ मा सञ्चालित जनचेतना सहकारी संस्थावाट २ लाख ६५ हजार ६ सय दश रुपैयाँ चोरी भएको थियो । उक्त रकम चोरी गर्ने आशंकामा प्रहरीको अनुसन्धानका क्रममा सोही सहकारी संस्थाका सचिव लालवहादुर राना, कोषाध्यक्ष भिमवहादुर लामिछान, साधारण सदस्य रिमवहादुर लामिछाने र एक र्सवसाधारण किसन पाण्डेयलाई रिडी इलाका प्रहरी कार्यालय गुल्मीवाट खटिएको प्रहरी टोलीले पक्राउ गरेको थियो । प्रहरीले चोरी भएको उक्त रकम ती व्याक्तिवाट वरामद गरेको छ भने पक्राउ परेका मध्ये कोषाध्यक्ष भिमवहादुर लामिछानेलाई अनुसन्धानपछि छोडिएको वताईएको छ । यता इलाका प्रहरी कार्यालय रिडीले भने व्याक्तिहरु पक्राउ परेको र थप अनुसन्धानका लागि उनीहरुलाई जिल्ला प्रहरी कार्यालय गुल्मीमा ल्याईएको प्रहरीले बताएको छ ।
0 comments:
Post a Comment