Tuesday, July 10, 2012

नयाँ जनवादी क्रान्ति गर्छौं ः शाक्य

5:49 PM  narayan silwal  1 comment

धादिङ असार २६ ।  मोहन बैद्य नेतृत्वको नेकपा–माओवादीका पोलिटव्यूरो सदस्य एवम् मध्यमाञ्चल व्यूरो ईञ्चार्ज हितमान शाक्यले आफूहरुले नेपालमा नयाँ जनवादी क्रान्ति गर्ने बताउनुभएको छ । जिल्ला पार्टी कार्यालयको आज धादिङबेसीमा उद्घाटन गर्दै शाक्यले नयाँ जनवादी क्रान्तिको लागि तयारी भैरहेको दावी गर्नुभयो । सर्वहारा वर्गको दायित्व र अभिभारा आफूहरुको काँधमा आएको भन्दै उहाँले त्यसलाई पूरा गरिछाड्ने प्रतिवद्धता जनाउनुभएको छ ।  पार्टीका जिल्ला सह–ईञ्चार्ज हरि अधिकारी आशिषको अध्यक्षतामा भएको उद्घाटन कार्यक्रममा प्रमुख अतिथि शाक्य सहित ताम्सालिङ राज्य समिति ईञ्चार्ज सूर्य सुवेदी ‘पथिक’, सचिव अनिलशर्मा विरही, नेपाली काँग्रेस धादिङका सभापति रामनाथ अधिकारी, नेकपा एमालेका जिल्ला अध्यक्ष गुरुप्रसाद बुर्लाकोटी लगायतको आतिथ्य रहेको थियो । एकीकृत नेकपा माओवादीबाट अलग्गिएर नयाँ पार्टी गठन गरेपछि धादिङबेसी बीचबजारमा स्थापना गरेको पार्टी कार्यालयको आज औपचारिक उद्घाटन गरिएको हो । यसैबीच पार्टीका जिल्ला ईञ्चार्ज शेरबहादुर भण्डारी ‘ज्योति’को अध्यक्षतामा आजै आन्तरिक राजनैतिक प्रशिक्षण कार्यक्रम समेत सम्पन्न भएको नवगठीत नेकपा माओवदीका जिल्ला सह–ईञ्चार्ज हरि अधिकारीले जानकारी दिनुभएको छ ।

Posted in:

1 comments:

Post a Comment

साना किसान सहकारी संस्थालाई अलैंची, चिया, कफी, अदुवा, सुपारी र मह प्रशोधन गर्ने औजारको खरिदलगायतको पुँजीगत खर्चमा ५० प्रतिशत अनुदान दिने व्यवस्था बजेटमा गरिएको छ । ।।। धादिङमा बहुउद्धेश्यीय सहकारीहरु ३९, बचत तथा ऋण सहकारीहरु ७६, कृषि सहकारीहरु १०२, साना किसान कृषि सहकारीहरु २३, फलफुल तथा तरकारी सहकारीहरु २०, दुग्ध उत्पादक सहकारीहरु २२, विद्युत सहकारीहरु ५, चिया कफि सहकारीहरु ३, शैक्षिक सहकारी १, स्वस्थ्य सहकारी २, यातायात सहकारी १, संचार सहकारीहरु ४, जडिबुटी सहकारीहरु ४ र उपभोक्ता सहकारी गरी ३०० संस्थाहरु र विषयगत संघहरु ४ र १ जिल्ला सहकारी संघ गरी ३०७ संघ संस्थाहरु रहेका छन् । यहाँका २४५ महिला र १५६पुरुषलाई सहकारीले प्रत्यक्ष रोजगारी दिएको छ भने जिल्लामा २६ हजार ५ सय १७ महिलाहरु र २३ हजार ९ सय ५१ पुरुषहरु सहकारीमा आबद्ध भएका छन् ।